வாணியம்பாடி:செப்:08, திருப்பத்தூர் மாவட்டம் வாணியம்பாடி உட்கோட்டத்திற்கு உட்பட்ட நகர பகுதிகளில் விநாயகர் சதுர்த்தி விழாவை முன்னிட்டு நடைபெறும் விநாயகர் சிலைகள் ஊர்வலமாக செல்லும் முக்கிய பாதைகள் மற்றும் கரைக்கும் இடங்களை மாவட்ட ஆட்சித் தலைவர் தர்ப்பகராஜ் இ.ஆ.ப, மற்றும் மாவட்ட காவல் கண்காணிப்பாளர் ஸ்ரேயா குப்தா ஆகியோர் நேரில் பார்வையிட்டு ஆய்வு மேற்கொண்டனர். இந்த ஆய்வின்போது வாணியம்பாடி துணை காவல் கண்காணிப்பாளர் விஜயகுமார், நகர காவல் ஆய்வாளர், வாணியம்பாடி போக்குவரத்து காவல் ஆய்வாளர் உடன் இருந்தனர்.
மேலும் மாவட்ட காவல் கண்காணிப்பாளர் ஆம்பூர் உட்கோட்டத்தில் விநாயகர் சதுர்த்தி விழா பாதுகாப்பு பணியை நேரில் ஆய்வு செய்தார். இந்த ஆய்வின்போது ஆம்பூர் உட்கோட்ட துணை காவல் கண்காணிப்பாளர் அறிவழகன் மற்றும் காவல் ஆய்வாளர் உடன் இருந்தனர்.
