முதலமைச்சரின் காலை உணவுத்திட்டம்

மதுரை மாநகராட்சியில் 26 தொடக்கப்பள்ளிகள், 14 நடுநிலைப்பள்ளிகள் மற்றும் விரிவாக்கப்பட்ட பகுதியில் உள்ள 33 பள்ளிகள் மற்றும் முத்துப்பட்டி கள்ளர் உயர்நிலைப்பள்ளி ஆகிய பள்ளிகளில் 1 ஆம் வகுப்பு முதல் 5 ஆம் வகுப்பு வரை பயிலும் மொத்தம் 6689 மாணவ, மாணவிகளுக்கு மாண்புமிகு முதலமைச்சரின் காலை உணவுத் திட்டத்தின் கீழ் உணவுகள் தொடர்ந்து வழங்கப்பட்டு வருகிறது. மேலும் மதுரை மாநகராட்சி 28 பள்ளிகளில் 6 முதல் 8 ஆம் வகுப்பு வரை பயிலும் 1350 மாணவ, மாணவியர்களுக்கு தனியார் சமூக பங்களிப்பு நிதியின் மூலம் காலை உணவு வழங்கப்பட்டு வருகிறது. மதுரை மாநகராட்சியின் பள்ளிகளில் மட்டும் முதலமைச்சரின் காலை உணவுத் திட்டத்தின் கீழ் மாணவ மாணவிகளுக்கு உணவுகள் வழங்கும் பணியில் 126 தன்னார்வலர்கள் ஈடுபட்டு வருகிறார்கள் அவர்களுக்கு மதுரை மாநகராட்சியின் சார்பில் மாதந்தோறும் ரூ.1500 மதிப்பூதியமாக வழங்கப்பட்டு வருகிறது. முதலமைச்சரின் காலை உணவுத் திட்டத்தின் மூலம் மதுரை மாநகராட்சி ஆரம்ப பள்ளிகளில் மாணவ, மாணவிகளின் சேர்க்கை விகிதம் அதிகரித்துள்ளது. மாணவ, மாணவிகள் மிகுந்த ஆர்வத்துடன் பள்ளியில் சேர்ந்து பயின்று வருகிறார்கள். முதலமைச்சர் காலை ணவு திட்டத்தின் கீழ் மதுரை மாநகராட்சியின் சார்பில் ஐந்து இடங்களில் உணவுகள் தயார் செய்யும் மையங்கள் செயல்பட்டு வருகிறது. 1 நெல்பேட்டை 2.சிங்கராயர் காலனி, 3.சுப்பிரமணியபுரம், 4.நாராயணபுரம். 5.அயன்பாப்பாக்குடி ஆகிய இடங்களில் இருந்து உணவுகள் தயாரிக்கப்பட்டு தினந்தோறும் விநியோகம் செய்யப்பட்டு வருகிறது.