நாகர்கோவில் செப் 28
கன்னியாகுமரி அஞ்சல் கோட்ட அஞ்சலகங்களில் சிறப்பு ஆதார் பதிவு மற்றும் திருத்த சேவைகள் வரும் 30-ம் தேதி முதல் அக்டோபர் 07 தேதி வரை வழங்கப்பட உள்ளதாக கன்னியாகுமரி அஞ்சல் கோட்ட கண்காணிப்பாளர் செந்தில்குமார் தெரிவித்து அறிக்கை வெளியிட்டுள்ளார். அவர் வெளியிட்டுள்ள அறிக்கையில் கூறியிருப்பதாவது :- கன்னியாகுமரி அஞ்சல் கோட்டத்தின் கீழ் உள்ள 44 அஞ்சலகங்களில் காலை 9 மணி முதல் மாலை 4 மணி வரை சிறப்பு ஆதார் பதிவு மற்றும் திருத்த சேவைகள் வரும் 30.09.2024 முதல் 07.10.2024 வரை வழங்கப்பட உள்ளது. புதிய ஆதார் பதிவு இலவசமாக செய்யப்படுகிறது.
பொது மக்களின் ஆதார் சேவையின் தேவையை பூர்த்தி செய்யும் நோக்கத்தில் பள்ளிகளின் காலாண்டு விடுமுறையை முன்னிட்டு கன்னியாகுமரி அஞ்சல் கோட்டத்தின் கீழ் உள்ள 44 அஞ்சலகங்களில் காலை 9 மணி முதல் மாலை 4 மணி வரை சிறப்பு ஆதார் பதிவு மற்றும் திருத்த சேவைகள் வரும் 30.09.2024 முதல் 07.10.2024 வரை வழங்கப்பட உள்ளன. புதிய ஆதார் பதிவு இலவசமாக செய்யப்படுகிறது. பெயர், முகவரி, மின்னஞ்சல், அலைபேசி, பிறந்த தேதி முதலியவற்றில் திருத்தம்/மாற்றம் செய்யவும் 10 ஆண்டுகளுக்கு மேலான ஆதார் எண்களுக்கான புதுப்பிக்கவும் ரூ.50/- கட்டணமாக நிர்ணயிக்கப்பட்டுள்ளது. ஆதாரில் இருக்கும் கைரேகை மற்றும் கருவிழி தகவல்களை புதுப்பிக்க ரூ.100/- கட்டணமாக நிர்ணயிக்கப்பட்டுள்ளது. உரிய சான்றுகளோடு அருகில் இருக்கும் அஞ்சலகங்களை அணுகி இந்த சேவையைப் பயன்படுத்தி கொள்ளலாம். உங்கள் பகுதியில் அல்லது ஊரில் குறைந்தபட்சம் 100 பேருக்கு ஆதார் பதிவு மற்றும் திருத்த சேவைகள் செய்யவேண்டி இருப்பின் இந்திய அஞ்சல் துறையின் சிறப்பு ஆதார் முகாம் நடத்தப்பட்டு சேவைகள் வழங்கப்படும்.
பள்ளி மாணவர்களின் நலன் கருதி செய்யப்பட்டுள்ள இந்த சிறப்பு ஏற்பாட்டை அனைவரும் பயன்படுத்திக் கொள்ள வேண்டும் என அவர் தெரிவித்துள்ளார்.
