மனுக்கள் மீது விரைந்து நடவடிக்கை எடுக்க மேயர் உத்தரவு

மதுரை செப்டம்பர் 25,

மதுரை மாநகராட்சி பொதுமக்களிடம் இருந்து பெறப்படும் மனுக்கள் மீது விரைந்து நடவடிக்கை எடுக்க மேயர் உத்தரவு.

மதுரை மாநகராட்சி மண்டலம் 5 (மேற்கு) அலுவலகத்தில் பொது மக்கள் குறைதீர்க்கும் முகாம் மேயர் இந்திராணி பொன்வசந்த்  தலைமையில் நடைபெற்றது. மதுரை மாநகராட்சி திருப்பரங்குன்றத்தில் உள்ள (மேற்கு) மண்டலம் 5 அலுவலகத்தில் நடைபெற்ற பொது மக்கள் குறைதீர்க்கும் முகாமில் சொத்துவரி தொடர்பாக 8 மனுக்களும், பாதாள சாக்கடை இணைப்பு வேண்டி 26 மனுக்களும், தெருவிளக்கு வசதி வேண்டி 10 மனுக்களும், ஆக்கிரமிப்பு அகற்ற வேண்டி 9 மனுக்களும், சுகாதார வசதி வேண்டி 2 மனுக்களும். இதர கோரிக்கைகள் வேண்டி 1 மனுவும் என மொத்தம் 56 மனுக்கள் பொதுமக்களிடமிருந்து நேரடியாக மேயர் பெற்றுக்கொண்டார். பொது மக்களிடமிருந்து பெறப்படும் மனுக்கள் மீது விரைந்து நடவடிக்கை மேற்கொள்ளுமாறு சம்பந்தப்பட்ட அலுவலர்களுக்கு மேயர் உத்தரவிட்டார். இம்முகாமில் மண்டலத் தலைவர் சுவிதா. உதவி ஆணையாளர் ராதா, உதவி செயற்பொறியாளர் முத்து. உதவி நகர்நல அலுவலர் மரு.அபிஷேக், சுகாதார அலுவலர் திருமால், உதவி வருவாய் அலுவலர் சித்ரா. மாமன்ற உறுப்பினர்கள், மாநகராட்சி அலுவலர்கள், பொது மக்கள் உட்பட பலர் கலந்து கொண்டனர்.