நாகர்கோவில், மே. 12-
கன்னியாகுமரி மாவட்டம் நாகர்கோவில் கோட்டார் பகுதியில் உள்ள விநாயகர் கோயில் அருகில் உள்ள தெப்பக்குளத்தில் இன்று காலை வாலிபர் ஒருவர் சடலமாக மிதந்தார் இது குறித்து அந்த பகுதியை சேர்ந்தவர்கள், கோட்டார் காவல் நிலையத்துக்கு தகவல் தெரிவித்தனர் இன்ஸ்பெக்டர் பாலமுருகன் மற்றும் போலீசார் சம்பவ இடத்துக்கு சென்று சடலத்தை மீட்டனர் இறந்து கிடந்தவர் யார்? என்பது குறித்து விசாரணை நடத்தினர். இதில் இறந்தவர், கோட்டார் முதலியார்விளை பகுதியை சேர்ந்த ஐயப்பன் (40) என்பது தெரிய வந்தது. இவர் மூடை தூக்கும் தொழிலாளி ஆவார். இவருக்கு திருமணம் ஆகி மனைவி மற்றும் 2 குழந்தைகள் உள்ளனர். நேற்று மாலையில் வீட்டில் இருந்து வெளியே சென்ற ஐயப்பன் பின்னர் திரும்பி வரவில்லை. பல இடங்களில் அவரை தேடி வந்த நிலையில், நேற்று குளத்துக்குள் சடல மாக மீட்கப்பட்டு உள்ளார். இவருக்கு மது குடிக்கும் பழக்கம் உண்டு. வலிப்பு நோய் பிரச்சினையும் இருந்து வந்துள்ளது. எனவே வலிப்பு வந்து குளத்தில் மூழ்கி இறந்திருக்கலாம் என கூறப்படுகிறது. உடலில் வேறு காயங்கள் எதுவும் இல்லை என போலீசார் தெரிவித்தனர். ஐயப்பன் உடலை பிரேத பரிசோதனைக்காக ஆசாரிப்பள்ளம் அரசு மருத்துவக் கல்லூரி மருத்துவமனைக்கு அனுப்பி வைத்தனர் மேலும் இது குறித்து கோட்டார் போலீசார் வழக்கு பதிவு செய்து விசாரணை நடத்தி வரு கிறார்கள்.
